نلعب بمسؤولية

اللّعب هو مصدر للمتعة ووسيلة من وسائل الترفيه للأشخاص البالغين.

اللّعب ممنوع على القاصرين (أقل من 18 سنة)

باش تتمتّع باللّعب بلا ما طّيح فالمشاكل، خاصّك تلعب بمسؤولية.

• الممارسات العشر لّلعب بشكل مسؤول
  1. العب فقط للمتعة: مانديرش من اللعب حرفة
  2. ناخد فترة راحة مرّة مرّة ونحسب لفلوس لّي لعبت، ولّي ربحت ولّي خسرت
  3. نحدّد وقت للّعب
  4. نحدّد ميزانية ديال اللعب
  5. ناخد وقتي باش نفكّر مزيان قبل ما نلعب بالفلوس لّي ربحتها
  6. لفلوس لّي محددها للّعب ماخاصّهاش تأثّرعلى حياتي وحياة عائلتي.
  7. ما عمّرني نتسلّف باش نلعب
  8. ماعمّرني نبيع الممتلكات ديالي باش نلعب
  9. خاصّني نتصنّت لآراء وملاحظات الناس القْراب ليّا
  10. اللعب خاصّو يبقى متعة؛ غير نحسّ براسي ما مرتاحْش فاللّعب، نتكلّم على المشكلة إمّا مع عائلتي أو صحابي أو الناس لّي كانْتيق فيهم
• شنو هي العلامات ديال اللاّعب المبْلي (المُدمن)
  ملّي اللاعب ما كيقدرش يتحكّم فالسّلوك ديالو:

  1. كيلعب وكيعاود يلعب باش يرجع لفلوس لّي ضيّع
  2. يمكن ليه يتسلّف أو يبيع حوايجو باش يلعب
  3. ديما كيحسّ بالقلق والتّوتّر ملّي كايكون كيلعب
  4. كايلعب بعض المرات بطريقة عشوائيّة بلا ما يتسوّق للفلوس لّي خسرها
  5. غالبا ما كايحسّ بالذنب ملّي كيلعب أو كايخسر
  6. عائلتو وصحابو تايعيّبو عليه بسبب البلْية
  7. اللعب كيخلق ليه مشاكل ماليّة وعائلية
  8. كيخسر فاللّعب فلوس أكثر ما كايخسر على عائلتو
  9. كيخبّي على عائلتو وصحابو أنّو كيلعب وكيكذب عليهم
  10. ما كيقدرش يتحكم فراسو وما تيتعلّمش من الأخطاء ديالو

فين نقدر نلقى المساعدة؟

قبل أي حاجة، خاصّ اللاعب يعترف بلّي عندو مشكلة فاللّعب وباغي يخرج منها. أنّك تتكلّم على هاد العلاقة الصعيبة مع اللعب غاتكون هي الخطوة الأولى وغاتعاونك باش ترجّع التوازن ديالك.

إيلا كنتي محتاج المساعدة أو باغي تساعد شي واحد من العائلة ديالك أو من صحابك، ما تتردّدش فأنك تهضر مع الموزّع ديالك أو الطبيب ديالك، أو تتّصل بمراكز الخدمات المتخصّصة في الإدمان.

باش تلقى معلومات المركز القريب منك، راجع القائمة لّي كاينة هنا